თვლიან, რომ ღრმა ისტორიული ფესვების მქონე მეგობრული ურთიერთობების გაღრმავება, კეთილმეზობლურობა და ურთიერთსასარგებლო თანამშრომლობა პასუხობენ ხალხების ძირითად ინტერესებს და ემსახურებიან მშვიდობასა და უსაფრთხოებას;

აცნობიერებენ სამოქალაქო მშვიდობაში და შიდაეთნიკური ჰარმონიის შენარჩუნებაში პირად პასუხისმგებლობას;

თავს ვალდებულად თვლიან ერთგულნი იყვნენ დამოუკიდებელ სახელმწიფოთა თანამეგობრობის დაარსების ხელშეკრულების მიზნებისა და პრინციპებისა,

აცხადებენ შემდეგს:

თანამეგობრობის მონაწილეთა ურთიერთქმედება განხორციელდება თანასწორობის პრინციპის საფუძველზე საკოორდინაციო ინსტიტუტების მეშვეობით, რომლებიც ჩამოყალიბებული იქნება პარიტეტულ საფუძველზე და იმოქმედებენ განსაზღვრული წესით, რომელიც იმ თანამეგობრობის წევრთა შორის შეთანხმებებით განისაზღვრება, რომლებიც არც სახელმწიფოს წარმოადგენენ და არც სუპრანაციონალურ წარმონაქმნს.

საერთაშორისო სტრატეგიული სტაბილურობისა და უსაფრთხოების უზრუნველსაყოფად, შენარჩუნდება სამხედრო-სტრატეგიული ძალების ერთობლივი სარდლობა და ბირთვული იარაღის ერთიანი კონტროლი; მხარეები პატივს სცემენ ერთმანეთის მისწრაფებებს მიაღწიონ ბირთვული და (ან) ნეიტრალური სახელმწიფოს სტატუსს.

დამოუკიდებელი სახელმწიფოების თანამეგობრობა მისი ყველა მონაწილის თანხმობით ღიაა ყოფილი საბჭოთა კავშირის წევრი სახელმწიფოებისათვის, ასევე სხვა სახელმწიფოებისათვისაც, რომლებიც იზიარებენ თანამეგობრობის მიზნებსა და პრინციპებს.

აღიარებულია საერთო ეკონომიკური სივრცის, პან-ევროპული და ევრაზიის ბაზრების შექმნისა და განვითარების საქმეში თანამშრომლობის ერთგულება.

დამოუკიდებელი სახელმწიფოების თანამეგობრობის ჩამოყალიბებასთან ერთად არსებობას წყვეტს საბჭოთა სოციალისტური რესპუბლიკების კავშირი.

თანამეგობრობის წევრი სახელმწიფოები, თავიანთი კონსტიტუციური პროცედურების შესაბამისად გარანტიას იძლევიან შეასრულონ ის საერთაშორისო ვალდებულებები, რომლებიც ყოფილი საბჭოთა სოციალისტური რესპუბლიკების კავშირის ხელშეკრულებებიდან და ვალდებულებებიდან გამომდინარეობენ.

თანამეგობრობის წევრი ქვეყნები ვალდებულებას იღებენ მკაცრად დაიცვან ამ დეკლარაციის პრინციპები.

ხელისმომწერნი: